വീട്ടില് തലയും കൈകാലുകളുമില്ലാതെ മൃതദേഹം; അഞ്ചുമാസം ഗര്ഭിണിയായ ഭാര്യയെ കൊന്ന് വെട്ടിനുറുക്കി
ഗർഭിണിയായ ഭാര്യയെ കൊലപ്പെടുത്തി മൃതദേഹം വെട്ടിനുറുക്കിയ ഭർത്താവ് അറസ്റ്റില്. ഹൈദരാബാദിന് സമീപം ബാലാജി ഹില്സില് താമസിക്കുന്ന കാമറെഡ്ഡിഗുഡ സ്വദേശി മഹേന്ദറിനെയാണ് പോലീസ് പിടികൂടിയത്. അഞ്ചുമാസം ഗർഭിണിയായ ഭാര്യ സ്വാതി(21)യെയാണ് മഹേന്ദർ അതിക്രൂരമായി കൊലപ്പെടുത്തിയത്. ശേഷം മൃതദേഹം വെട്ടിനുറുക്കി പല കഷണങ്ങളാക്കുകയും ഇതില് ചിലഭാഗങ്ങള് നദിയില് ഉപേക്ഷിക്കുകയുംചെയ്തു. വീട്ടില്നടത്തിയ പരിശോധനയില് യുവതിയുടെ തലയും കൈകാലുകളുമില്ലാത്ത ഉടല് മാത്രമാണ് കണ്ടെടുക്കാനായതെന്നും പോലീസ് പറഞ്ഞു. ശനിയാഴ്ച വൈകീട്ടോടെയാണ് മഹേന്ദർ ഭാര്യയെ കൊലപ്പെടുത്തിയതെന്നാണ് പോലീസ് പറയുന്നത്. നഗരത്തില് ടാക്സി ഡ്രൈവറായി ജോലിചെയ്യുന്നയാളാണ് പ്രതി. […]
