മത്സരയോട്ടവും ഹോൺ മുഴക്കലും; കോഴിക്കോട്ട് സ്വകാര്യ ബസുകളുടെ വിളയാട്ടം തുടരുന്നു
കോഴിക്കോട്: നഗരത്തിലെ റോഡിലിറങ്ങുമ്പോൾ ചുറ്റും കണ്ണോടിക്കണം. ഇല്ലെങ്കിൽ ഏത് വാഹനവും ഇടിക്കാം. പ്രത്യേകിച്ചും സ്വകാര്യ ബസുകൾ. ഇനി സീബ്ര ലെെനിലൂടെ നടന്നാലും രക്ഷയില്ല. നഗരത്തിൽ വാഹനാപകടങ്ങൾ കൂടുന്നുവെന്നാണ് ട്രാഫിക് പൊലീസിന്റെ കണക്ക്. വാഹനങ്ങൾക്ക് നിശ്ചയിച്ച വേഗപരിധിയും മറ്റു നിയമങ്ങളും കാറ്റിൽ പറത്തി സ്വകാര്യ ബസുകൾ പറക്കുകയാണ്. ടൗൺഹാൾ റോഡിലും മാനാഞ്ചിറയിലുമടക്കം ഇത് നിത്യ കാഴ്ചയാണ്. റോഡ് കുറുകെ കടക്കണമെങ്കിലും വേണം ശ്രദ്ധ. കാൽനടക്കാർക്ക് സീബ്ര ലെെനിലും രക്ഷയില്ലാത്ത സ്ഥിതിയാണ്. സീബ്ര ലെെനിൽ വച്ചുള്ള വാഹനാപകടങ്ങളുടെ എണ്ണത്തിലും കുറവില്ല. […]
